धनगढी। धनगढीबाट डोटी जाँदै गरेको ट्याक्टर दुर्घटनामा परेको छ। धनगढीबाट डोटीको जोरायल जाँदै गरेको अन्टेस्ट ट्याक्टर कैलालीको चुरे गाउपालिका ३ मगराउमा दुर्घटनामा परेको प्रहरीले जानकारी दिएको छ। दुर्घटना हुँदा चालक डोटीको जोरायल बस्ने अन्दाजी २६ बर्षीय चालक निर्मल साँउद, सोही ट्याक्टरमा सवार २४ बर्षीय दिनेश सार्की र २५ बर्षीय जितबहादुर साँउद घाईते भएका छन्। तीनै जनाको अवस्था गम्भीर रहेको छ। घाईतेहरूलाई उपचारको लागी धनगढी ल्याईएको प्रहरीले जानकारी दिएको छ ।चालक निर्मल साँउदले चलाएको ट्याक्टर अनियन्त्रित भएर दुर्घटना भएको प्रहरीले जनाएको छ।सो ट्याक्टर धनगढीबाट सरिया लोड गरेर डोटीको जोरायल जाँदै गरेको थियो। ट्याक्टर सडकबाट करिब ३५० मिटर तल खसेको छ।
