धनगढी। सेती प्रादेशिक अस्पतालको प्रयोगशालामा गरिएको परिक्षणमा थप १२ जनामा कोरोना संक्रमण पुष्टि भएको छ । अस्पतालको प्रयोगशालामा गरिएको १२१ नमुना परिक्षणका क्रममा १२ जनामा कोरोना संक्रमण पुष्टि भएको अस्पतालका सुचना अधिकारी दिलीप कुमार श्रेष्ठले जानकारी दिइएका छन् । यस्तै १०९ जनाको कोरोना रिर्पोट नेगेटिभ आएको छ । हाल अस्पतालमा २१ जना कोरोना संक्रमित बिरामी उपचाररत छन्। यस्तै पछिल्लो २४ घण्टामा ३ जना कोरोना संक्रमित बिरामी निको भई घर फर्किएकोमा थप नयाँ बिरामी अस्पतालमा भर्ना भएका छैनन् । २ जना बिरामीलाई अस्पतालको आईसियुमा राखेर उपचार भैरहेको छ । यस्तै पछिल्लो २४ घण्टामा कुनैपनी कोरोना संक्रमित बिरामीको मृत्यु नभएको अस्पतालले जानकारी दिएको छ ।
