कञ्चनपुर। कञ्चनपुरमा ८ फिट लामोे अजिङगर फेला परेको छ । कञ्चनपुरमा लोपोन्मुख जातको अजिङ्गर फेला परेको हो। जिल्लाको भीमदत्त नगरपालिका–१५ तल्लो गोबरियामा ८ फिट लामो अजिङ्गर फेला परेको हो। स्थानीय हरिप्रसाद भट्टको खरायोको खोरभिर उक्त अजिङ्गर परेको बताइएको छ। अजिङ्गरले खोरमा रहेका ३ वटा ठुला खरायो र बाँकी ७ वटा साना खरायोलाई खाएको हरिप्रसादले बताए। शनिबार बिहान आफुले पालेको साना ठुला १० खरायोलाई खोर भित्रै खाएको अवस्थामा फेला परेको जानकारी दिए । बर्षातको समयमा आहाराको खोजीमा अजिङगर बस्ती भएको ठाउँमा आएको हुन सक्ने उनले भने । फेला परेको अजिङ्गरलाई शुक्लाफाँटा राष्ट्रिय निकुञ्जमा बुझाइने उनले जानकारी दिएका छन्।
