धनगढी। कैलालीमा खोलामा नुहाउने क्रममा एक युवतीको मृत्यु भएको छ । कैलालीको गोदावरी नगरपालिका–६ लालपुरकी १८ वर्षीया आरती घर्तीमगर बिहीबार सोही ठाउँमा रहेको गौरीदेवी खोलामा नुहाउने क्रममा वेपत्ता भएकी थिइन् । स्थानीयको सहयोगमा प्रहरीले खोजी गर्दा नुहाएको स्थानदेखि तीन चार मिटर पर मृत अवस्थामा फेला परेको कैलाली प्रहरी प्रवक्ता प्रतिक विष्टले जानकारी दिए । दिउँसो नुहाउने क्रममा उनीसहित अन्दाजी १८ वर्षीया सीता घर्तीमगर खोलामा बगेका थिए। स्थानीयले सीतालाई बगेको देख्नासाथ उद्दार गरेको उनले बताए ।
